Að nú þegar fólk sem hefur verið að byggja sig upp, í andlega geiranum eins og það er kallað, horfir vonar augum til framtíðarinnar og bíður eftir því að þeir hlutir sem því hafa verið gefnir og sagðir fari að gerast og þau fari að sjá þess merki í samfélaginu að breytingar séu byrjaðar.

Að þá vill ég benda á það að breytingarnar eru löngu ornar sjáanlegar að einhverju leiti, ef að fólk hættir að skoða alla neikvæðnina í þjóðfélaginu, ef þið hættið að skoða neikvæðnina sem birtist á þessum tímum og í staðin fyrir að vera alltaf að, þegar þið hittist tveir eða fleiri, að ræða þessar neikvæðu fréttir sem þið hlustið á og í staðin leitið að því jákvæða sem er að gerast, þá ef þið teljið saman, þá eru það miklu fleiri atriði sem í raun eru jákvæð heldur en neikvæð.

Hins vegar eru neikvæðu fréttirnar alltaf lestnar aðeins hærra heldur en þær jákvæðu, neikvæðu fréttirnar eru alltaf fyrirferðar meiri.

Það er að sjálfsögðu gert að ásettu ráði, vegna þess að ef neikvæðnin nær ekki að trana sér fram þannig að hún taki athyglina í upphafi, þá nefnilega tekur enginn eftir henni, en þegar hún hefur náð athyglinni þá reynir hún að byggja viðkomandi persónu upp þannig að hún sjái ekki jákvæða pólinn, því jákvæði póllinn er gagnstæður póll og neikvæðninni alltaf andstæður.

Þess vegna segi ég við ykkur, leitið að jákvæðu atriðunum í fréttunum, leitið að jákvæðu atriðunum í ykkar eiginn umhverfi, sjáið það sem vel gengur, sjáið það sem til framfara er, sjáið það sem gerir fólki gott og þið sem eruð að þroska ykkur í andlegri vitund, ræðið þessa hluti ykkar á meðal og magnið þá upp, í staðinn fyrir að magna upp og hjálpa neikvæðninni í því að ná útbreiðslu, í því að ná mætti sínum.

Það er enginn að fara fram á það að þið hlustið ekki á þessar fréttir til þess að fylgjast með, það eina sem er verið að tala um er, að þið leitið að jákvæðu fréttunum til þess að tala um þær, vegna þess að hinar þurfa enga umfjöllun þær skíra sig sjálfar.