Sumt í fari mannkyns

Sumt að því sem maðurinn gerir er nauðsynlegt honum til þroska, á meðan annað sem hann gerir er honum afþreying á meðan hann tekur út sínar kennslustundir á vegi þroskans.

Það er hvorki mitt né nokkurs annars að dæma það ónauðsynlegt eða nauðsynlegt, það eina sem skiptir máli er að maðurinn í sinni mynd geti lifað í kærleika, ekki aðeins kærleika hvors til annars heldur í eigin kærleika til sjálfs síns, því að maðurinn getur ekki sýnt sjálfum sér kærleika og umhyggju og umburðarlyndi þá er borin von að hann geti sýnt nágrannanum kærleika og umburðarlyndi.

Vegna þess að allt sem snýst um er að spegla sjálfan sig gagnvart öðrum, lífið er speglun eins og þið orðið það, það sem þið eruð það eru þið öðrum líka.

Ef þið getið ekki verið sjálfum ykkur kær og umvafið sjálf ykkur í kærleika þá getið þið ekki umvafið aðra.

Þess vegna vill ég líka benda á það að það sem ég flokka og ég tek það fram að það er mín flokkun og einskins annars, að það sem skiptir máli í lífinu það er að rækta kærleikann í brjósti sínu, kærleikann til sjálfs síns því ef að þú byrjar á byrjuninni sem er að rækta kærleikann til sjálfs þá þarftu ekki að rækta hann gagnvart öðrum, hann er til staðar og er ósjálfráð birting og viðbrögð gagnvart hverju því sem í kringum þig er.

Ef þú aftur á móti ert á hnefanum eins og stundum er orðað gagnvart sjálfum þér þá er á sama hátt borin von að þú getur birt kærleikann öðrum nema í uppsettum dæmum sem eru fyrirfram ákveðin, ósjálfráð viðbrögð þín verða á sama hnefanum og þú ert gagnvart öðrum.

Þannig virka allir hlutir út frá sjálfum þér en ekki inn til þín, leið kærleikans hlýtur að liggja niður í hjarta hvers og eins og þaðan út en ekki inn til hjartans og þaðan upp.

Það væri meira en lítið svo ég noti nú þetta orð skrítin hringrás á orkuflæði alheimsins, vegna þess að kærleikurinn er allt í öllu allsstaðar.

Þess vegna hlýtur hann að koma niður til þín og birtast út frá þér en ekki utan að og inn til þín og birtast upp á við.

Vertu góður við sjálfan þig, viðurkenndu sjálfan þig sem holdi klædda veru engum óæðri heldur en ég og aðrir sem ganga andlega heima, viðurkenndu sjálfan þig sem kærleika og eilíft ljós, sem á allt hið besta skilið sem ekki aðeins orkulegur heimur hefur upp á að bjóða heldur líka veraldlegur heimur og leitaðu þess skilnings að allt sem skiptir máli er kærleikurinn.

Efniskenndir hlutir eru fánýtir ef kærleikurinn er ekki til staðar, en sé kærleikurinn til staðar eru efniskenndir hlutir sjálfssagðir hverjum þeim sem kann með þá að fara í kærleika.