15.01.01

Mig langar til að setja á blað nokkur atriði um karma eins og ég sé þessa hluti.

Hvað er karma og hvernig verður það til?

Karma er athafnir hlutir sem við gerum í jarðvist bæði gegn öðrum, sjálfum okkur, og umhverfi okkar.

Það sem gerir þessa hluti að karma eru þeir hlutir sem þú getur ekki sætts við að þú gerðir, þetta sé ég þannig að í lok jarðvistar þá skoðum við liðna jarðvist til þess að, sættast við hana og verk okkar í henni, og til að safna saman þekkingu og reynslu sem við öfluðum.

Það sem við getum ekki sætt okkur við á þeim tíma verður að karma, sem þýðir að við verðum að læra (upplifa) þá hluti á nýjan hátt, þangað til við skiljum þá og sættum okkur við þá.

Það er algengast að þann lærdóm, lærum við með því að koma inn í það hlutverk sem við gerðum gegn í upphafi og gerum þannig tilraun til að sjá hina hliðina á hlutum, ef það dugar ekki, þá eru líkur til að við gerum tilraun með að verða áhorfendur að sama hlutum og skilja hann þannig, því við leitum að leið til að skilja og réttlæta fyrir okkur sjálfum það sem gert var.

Þegar við þannig leitumst við að losa karma, þá í raun skiptir ekki máli hver eða hverjir eiga í hlut, við þurfum að geta horfst í augu við þessa hluti og skilið, að þeir voru gerðir miðað við þær kringumstæður sem þá voru til staðar og þann tíðaranda sem þá ríkti.

Þegar við síðan tökum til við að fyrirgefa og sleppa, erum það í raun við sjálf sem við þurfum að fyrirgefa og sættast við.

Við þurfum að fyrirgefa okkur að við skildum gera þessa hluti, að við skildum framkvæma, vegna þess að í grunni sínum og eðli, er sálinn alltaf kærleikur og er eðlilegt að framkvæma samkvæmt því.

Það er því áfall fyrir sálina þegar hún upplifir að hún hefur ekki framkvæmt samkvæmt því.

Þess vegna er það mikil hjálp til að rjúfa karma ferlið þegar fólk vinnur með það, sem upp á kann að hafa komið, jafnóðum og það gerist, það er að segja, í þeirri sömu jarðvist og fært þannig inn skilning á þeim atburðum, sem síðar þarf að skoða og horfast í augu við að gerðust.